«ABank» ААК Башкармасынын Төрагасы кызматынан кетти
«ABank» ААК Башкармасынын Төрагасы кызматынан кетти
«ABank» ААКсы Башкарманын Төрагасы Тилек Буромбаевич Алимджанов ыйгарым укуктарын тапшырып, Банктын Башкармасынын Төрагасы кызматындагы ишин аяктаганын маалымдайт.
Ишмердүүлүктүн жыйынтыктары
Тилек Буромбаевич жетекчилик кылган жылдар аралыгында «ABank» ААКнын өнүгүшүнө олуттуу салым кошту: Банктын финансылык туруктуулугун чыңдоого, корпоративдик башкаруу системасын өркүндөтүүгө жана банктык кызмат көрсөтүүлөрдүн сапатын жогорулатууга жетишилди. Анын жетекчилиги алдында Банктын туруктуу өнүгүүсүнө, санариптик трансформациясына, продуктулар портфелин кеңейтүүгө, ошондой эле кардарлардын, өнөктөштөрдүн жана эл аралык финансылык институттардын ишенимин бекемдөөгө багытталган ири долбоорлор ишке ашырылды.
Акыркы үч жыл катары менен Банк Кыргыз Республикасынын банк секторунда негизги финансылык көрсөткүчтөр боюнча лидерлердин катарына кирип келет.
Финансылык көрсөткүчтөр
| Көрсөткүч | 31.12.2022-ж. карата | 01.07.2026-ж. карата |
| Активдер | 81 млрд сом | 271 млрд сом |
| Кредиттик портфель | 33 млрд сом | 107 млрд сом |
| Депозиттик портфель | 57 млрд сом | 166 млрд сом |
| Уставдык капитал | 6,6 млрд сом | 80 млрд сом |
| Таза пайда | 4,2 млрд сом (бир жыл ичинде) | 3 млрд сом (2026-жылдын I жарым жылдыгы үчүн) |
Негизги жетишкендиктер
- 2025-жылы Банкка S&P Global Ratings тарабынан B+/B эл аралык кредиттик рейтинги ыйгарылып, бул эл аралык финансылык институттар жана чет өлкөлүк инвесторлор менен кызматташуунун жаңы мүмкүнчүлүктөрүн ачты.
- ESG принциптерине ылайык финансылык эмес отчеттуулукту даярдоо башталды: биринчи ESG-отчет жарыяланып, узак мөөнөттүү ESG-стратегия иштелип чыкты.
- Ири масштабдагы ребрендинг жүргүзүлүп, «Айыл Банк» брендинен ABank брендине өтүү ишке ашырылды.
- Санариптик трансформация ийгиликтүү жүргүзүлдү: ABank мобилдик тиркемеси, жеке ишкерлер үчүн «Береке» платформасы, Zero бөлүп төлөө кызматы жана ABilling биллинг системасы ишке киргизилди.
Ыраазычылык
«ABank» ААКнын эмгек жамааты Тилек Буромбаевичке жогорку кесипкөйлүгү, стратегиялык көз карашы жана көп жылдык ак ниет эмгеги үчүн чын жүрөктөн ыраазычылык билдирет. Ага бекем ден соолук, бакубат жашоо жана бардык жаңы башталыштарында ийгиликтерди каалайт.
«ABank» ААК бекитилген өнүгүү стратегиясына ылайык өз ишмердүүлүгүн улантып, корпоративдик башкаруунун жогорку стандарттарына жана кардарларды тейлөөнүн сапатына берилгендигин сактайт.