АБанктан социалдык жардам алуучулар үчүн жеңилдетилген кредиттөө

АБанктан социалдык жардам алуучулар үчүн жеңилдетилген кредиттөө

АБанк социалдык контракттын негизинде социалдык жардам алган жарандарга жеңилдетилген кредиттерди сунуштайт. Программа 2026-жылдын ичинде долбоордун катышуучуларынын ишкердик ишмердүүлүгүн колдоого жана өнүктүрүүгө багытталган.

Каражаттар мурда социалдык жардамдын алкагында алынган каражаттардын негизинде уюштурулган, иштеп жаткан киреше алып келүүчү ишмердүүлүктү өнүктүрүүгө — бизнести же көмөкчү чарбаны кеңейтүүгө жана колдоого берилет. Программанын катышуучуларынын тизмеси Кыргыз Республикасынын Эмгек, социалдык камсыздоо жана миграция министрлиги тарабынан түзүлөт.

Кредиттөө шарттары:

• Кредиттин суммасы — 10 000 сомдон 200 000 сомго чейин
• Пайыздык чен — 0%
• Кредиттин мөөнөтү — 36 айга чейин
• Валютасы — сом
• Төлөө графиги — ай сайын тең үлүштөр менен
• Негизги карыз боюнча жеңилдетилген мөөнөт — 3 айга чейин

Кредит боюнча камсыздоо:

• 10 000 сомдон 100 000 сомго чейин — кепилсиз жана күрөөсүз
• 100 001 сомдон 200 000 сомго чейин — бир адамдын кепилдиги же кыймылдуу/кыймылсыз мүлк

Программа социалдык контракттын катышуучуларына пайыздык төлөмдөр түрүндөгү финансылык жүксүз өз ишин бекемдөөгө жана кеңейтүүгө кошумча мүмкүнчүлүк берет.